Баймаҡ районында сүп-сар эшкәртеү комплексы төҙөләсәк

«Экология» милли проекты буйынса ҡаты көнкүреш ҡалдыҡтары менән эш итеү яйға һалына. Әлеге ваҡытта республикала көнкүреш ҡалдыҡтарын айырыу буйынса 14 комплекс эшләп килә. Уларҙы киләсәктә арттырыу күҙаллана.

Яҡын арала сүп-сарҙы айырыу комплексы Баймаҡ районында ла барлыҡҡа килер тип көтөлә. Баймаҡ районында көнкүреш ҡалдыҡтарын сортҡа айырыу комплексын төҙөү өсөн 70 гектар ер бүленгән. Ул күрше район-ҡалаларҙы ла хеҙмәтләнерәсәк, ти делегация вәкилдәре. Комплекстың ҡеүәте йылына 100 мең тонна сүп-сар эшкәртергә мөмкинлек бирәсәк. Районда үткәрелгән инвестиция сәғәтендә проект хуплау таба. Артабан республикаға сығыу, кәрәкле документтарҙы туплау күҙаллана.

Экология министрлығы хәбәр итеүенсә, республикала 2 мең 900 сүплекте юҡҡа сығарыу, ҡалдыҡтарҙы йыйыу өсөн 9 меңдән ашыу майҙансыҡ әҙерләү, 10 полигон һәм сүп-сарҙы сорттарға бүлеү комплексы төҙөү һәм башҡа эштәр планлаштырылған. Ошо маҡсатта 36 миллиард һум аҡса йәлеп ителәсәк.

#национальныепроекты #нацпроекты #региональныепроекты#регпроекты #нацпроектыБашкортостан