Өфө колледжында «5000 оҫтахана» лабораторияһы асылды

«Мәғариф» милли проектына ярашлы, Өфөлә «Йәш профессионалдар» төбәк проекты тормошҡа уңышлы ашырыла. Проект сиктәрендә, Өфө радиоэлектроника, телекоммуникация һәм хәүефһеҙлек колледжында студенттар өсөн оҫтаханалар асылды. Улар. юғары технологик йыһаздар, заманса компьютер техникалары менән тәьмин ителгән.

Был колледж студенттары өсөн ҙур мөмкинлектәр аса. Шулай уҡ башҡа теләүселәр ҙә программа менән танышып, ғариза ҡалдыра ала. Федераль гранттар конкурсында республиканың 6 колледжы еңеп сыҡҡан. Дөйөм алғанда төбәктә ошондай лабораториялар булдырыуға федераль, республика, бюджеттан тыш сығанаҡтар һәм эш биреүселәрҙән 200 миллион һум аҡса йүнәлтелә.

#национальныепроекты #нацпроекты #региональныепроекты
#регпроекты #нацпроектыБашкортостан