Республикала ҡар кешеһен күргәндәр...

Ҡар кешеһен эҙләргә Мәскәүҙән Халыҡ-ара гоминология үҙәге белгестәре Өфөгә килеп еткән. Уларға тарих фәндәре кандидаты, ошо үҙәктең директоры Игорь Бурцев етәкселек итә.

Ҡайһы бер мәғлүмәттәр буйынса, билдәһеҙ йән эйәһен быйыл яҙ көнө Бөрө районында күргәндәр. Яҙмала күренеүенсә, кешегә оҡшаш зат ялан буйлап китеп бара. Ғалимдар ошо хәлдең бар үҙенсәлектәрен тикшерәсәктәр, шаһиттар менән осрашасаҡтар.