+1 °С
Болотло
Бөтә яңылыҡтар
Новости
6 Декабрь 2019, 11:50
Башҡортостанда федераль трассаларҙа фотовидеотеркәү камералары йәнә эшләй башлай
#нацпроекты
Башҡортостанда ағымдағы аҙнала федераль трассаларҙа урынлашҡан фотовидеотеркәү камералары йәнә эшләй башлай, тип хәбәр иттеләр республика хөкүмәтендәге «Транспорт сәғәте»ндә. Ведомство-ара килешмәүсәнлек арҡаһында сентябрь уртаһында уларҙы өҙгәйнеләр. «Урал буйы» юл идаралығы етәксеһе Азамат Илембәтов һүҙҙәренсә, федераль үҙәк комплекстарҙы тәьмин итеү өсөн кем яуап бирәсәген хәл итте. Был бурысты төбәктәргә тапшырыу варианты ҡаралды, ахырҙа камераларҙы Росавтодор балансына билдәләнеләр. Юридик һәм бюрократик мәсьәләләр был аҙнала тамамланырға тейеш.
Республикала федераль юлдарҙа 1 июлгә 59 камера ҡуйылды. Дөйөм алғанда, йыл аҙағына тиклем фотовидеотеркәү комплекстары һанын 289-ҙан 540-ҡа тиклем арттырыу күҙаллана. Камералар республика бюджеты (62), «Хәүефһеҙ һәм сифатлы юлдар» милли проекты (20) аҡсаһына, сервис контракты буйынса (150) һатып алына. 2020 йылда тағы 459 камера һатып алына. Шуның менән бергә штраф йыйымы (аҡса республика ҡаҙнаһына йүнәлтелә) бер нисек тә пропорциональ артмай. Республика автоинспекцияһы мәғлүмәттәре буйынса, быйыл 2018 йылға ҡарағанда 100 меңгә генә күберәк протокол төҙөлгән, 462 миллион һум штраф түләтелгән. Водителдәрҙең 94% штрафты 50 процент дисконт менән түләү мөмкинлеген файҙалана. Бынан тыш, водителдәр камераларҙың ҡайҙа урынлашҡанын белә, был уларға күҙәтеү алып барылған участкаларҙа үҙҙәрен дөрөҫ тоторға ярҙам итә.
Уның ҡарауы, авариялар, ҡорбандар һәм йәрәхәтләнеүселәр һанын кәметеүҙә ыңғай динамика бар. Әйтәйек, 10 айҙа юл фажиғәләрендә һәләк булғандар 82 кешегә, йәки 18,2% кәмегән (2018 йылдың ғинуар-октябрендәге 450 урынына 368), йәрәхәтләнеүселәр 265-кә йәки 6% тиерлек аҙыраҡ (4577 урынына 4312). Юл-транспорт ваҡиғаларының дөйөм һаны 6,3% кәмегән, йәғни 229 осраҡҡа аҙыраҡ (3638 урынына 3409).
Читайте нас:
© 2024 «Шоңҡар» - Башҡортостан йәштәренәң ижтимағи-сәйәси, әҙәби-нәфис журналы
Баш мөхәррир: Айгиз Ғиззәт улы Баймөхәмәтов
Телефон
(347)272-61-64
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 910
Ҡабул итеү бүлмәһе
Венер Айҙар улы Исхаҡов (яуаплы сәркәтип) - 89279443170
Хеҙмәттәшлек
Финзира Ғариф ҡыҙы Рысаева - 89174785622