Шоңҡар
-25 °С
Болотло
75 лет Победы
Бөтә яңылыҡтар
Новости
17 Декабрь 2019, 11:10

Йәш ғаиләләр торлаҡлы булды

#нацпроекты

Торлаҡлы булыу күптәр өсөн көнүҙәк мәсьәләләрҙең береһе. Бөгөнгө көндә үҙеңдең хәләл көсөңә генә йорт һалып инеүе йәки фатир һатып алыуы бик ауыр. Шулай ҙа республикабыҙҙа мохтаждарға торлаҡ шарттарын яҡшыртыуға ярҙам йөҙөнән төрлө программалар эшләп килә. "Торлаҡ" һәм "Демография" милли проекттары сиктәрендә бер нисә район хакимиәтендә «Башҡортостан Республикаһында ауыл биләмәләрен тотороҡло үҫтереү» программаһын ғәмәлгә ашырыу сиктәрендә торлаҡ сертификаттары тапшырыу тантанаһы үтте. Мәҫәлән, Учалы районында ғына 2017-2018 йылдарҙа федераль программа ярҙамында ошо программа буйынса 23 ғаилә торлаҡ шарттарын яҡшыртҡан, ә быйыл 27 ғаилә сертификат алып ҡыуанған. Республика буйынса меңгә яҡын ғаилә был бәхеткә эйә булған.
Был программа буйынса социаль түләүҙәр ҡаралған, ул ауылдарҙа йәшәүсе һәм эшләүсе йәш ғаиләләргә һәм белгестәргә бирелә. Бүленеүсе аҡса күләме, ғаилә составына ҡарап, 756 мең һумдан 1 миллион 200 мең һумға ҡәҙәр тәшкил итте.
Программаға эләгеү өсөн йәш ғаиләләргә, белгестәргә тәү сиратта ғариза менән район хакимиәтенә мөрәжәғәт итергә кәрәк. Әгәр ҙә мохтаж, тип танылһалар, уларҙы категориялар буйынса сиратҡа ҡуясаҡтар. Әлеге программа, үрҙә телгә алыуыбыҙса, ауылда йәшәгән һәм эшләгән ғаиләләргә тәғәйенләнгән.
Рәсәйҙә "2020 – 2025 йылдарҙа ауыл биләмәләренең комплекслы үҫеше" тигән биш йыллыҡ программа ҡабул ителде. Ошо маҡсатҡа 2,3 триллион һум күләмендә аҡса бүлеү ҡаралған. Уның бер триллионы федераль ҡаҙнанан йүнәлтелһә, ҡалғанын төбәк тәьмин итергә тейеш. Документтың маҡсаты – ауыл халҡын Рәсәйҙең дөйөм иҫәбенең 25,3 проценты кимәлендә һаҡлау, ауыл биләмәләренең кәм тигәндә 50 проценты уңайлы шарттарҙа йәшәргә тейеш.
#национальныепроекты #нацпроекты #региональныепроекты #регпроекты#нацпроектыБашкортостан
Читайте нас в