Хоспис төҙөләсәк урын билдәләнде

Йәмғиәттә ҙур бәхәс тыуҙырған ҡала хосписының төҙөләсәк урыны билдәләнде.

Өфөлә хоспистың төҙөлөү урыны тураһында һүҙ сыҡҡас, йәмғиәттә ҙур бәхәс тыуҙы. Тәүҙә ҡала хосписы “Башҡортостан сәскәләре” торлаҡ комплексына ингән урында буласаҡ тигән ҡарар ҡабул ителде, әммә әлеге биҫтә халҡы был ҡарарға күмәкләп ҡаршы сыҡты. Йәнәһе лә, үлемесле сиргә дусар булғандар ситтәрәк урынлашырға, халыҡҡа күренмәҫкә тейеш. Республика Башлығы Радий Хәбиров көтөлмәгән хәлгә тиҙ арала үҙ ҡарашын белдерҙе, "бит йыумаған" был әҙәмдәргә мәсеткә барып килергә кәңәш итте.

Кисә хоспистың аныҡ урыны билдәләнде, ул "Мега" сауҙа үҙәге артында урынлашасаҡ. Бының өсөн 237 сутый майҙан ер бүлеү хаҡында республика Башлығының ҡарары ҡабул ителде.

Учреждение Владимир Путиндың "май указдары"на ярашлы “Һаулыҡ һаҡлау” милли проекты сиктәрендә төҙөлә. Билдәле булыуынса, 2019 – 2024 йылдарҙа Рәсәйҙә “Һаулыҡ һаҡлау” милли проектын тормошҡа ашырыу өсөн 1,7 триллион һумдан ашыу аҡса йүнәлтеү планлаштырылған.

#национальныепроекты #нацпроекты

#региональныепроекты #регпроекты #нацпроектыБашкортостан

Читайте нас:

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 910

Ҡабул итеү бүлмәһе

Венер Айҙар улы Исхаҡов (яуаплы сәркәтип) - 89279443170

Хеҙмәттәшлек

Финзира Ғариф ҡыҙы Рысаева - 89174785622