Хөрмәтле дуҫтар, бына-бына тупһабыҙға Сысҡан йылы аяҡ баҫырға тора. Беҙ бер нисә көн элек әүҙем авторҙарыбыҙҙы, тоғро уҡыусыларыбыҙҙы барлау маҡсатында һораулама ойошторҙоҡ. Сайтыбыҙҙа 10 мәҡәлә һәм 10 хикәйәне тауыш биреүгә ҡуйҙыҡ. Шулай итеп, бөтәһе йөҙҙән ашыу кеше үҙ фекерен белдерҙе. Беҙҙең уҡыусыларыбыҙ һайлауы буйынса, йылдың иң шәп хикәйәһе тип Мәләүез ҡалаһынан Лена Хәйруллинаның "Хыялый" хикәйәһе табылһа, ә "Йыл мәҡәләһе" исемен әүҙем авторыбыҙ Нурзиә Йылҡыбаеваның "Ваҡытым менән үҙем идара итәм” интервьюһы алды. Афарин! Ҡотлайбыҙ!