РӘМИ ИЖАДЫНА АРНАЛҒАН КИСӘГӘ РӘХИМ ИТЕГЕҘ

.

Өфөлә Башҡортостандың халыҡ шағиры Рәми Ғариповтың ижадына бағышланған «Ҡайтам! Ҡайтам! Йырҙарыма ҡайтам!» тигән кисә була. Кисәне «Бабич» һәм «Беренсе Республика» фильмдарын (режиссеры Булат Йосопов) төшөрөүселәр ойоштора.

Сара 27 ғинуарҙа киске сәғәт 7-лә «Башҡортостан» дәүләт концерт залында уҙа. «Бабич» һәм «Беренсе Республика» нәфис фильмдары актерҙары уҡыуында шағирҙың шиғырҙары яңғырай. Популяр башҡарыусылар Рәми Ғариповтың шиғырҙарына йырҙар бүләк итә.

«Йәш, ихлас, талантлы, популяр ҡатнашыусылар ошо ваҡиға менән Рәми Ғариповтың ижадын һөйөүселәрҙе берләштерергә теләй. Билеттарҙы һатыуҙан килгән аҡса «Беренсе Республика» трилогияһының Рәми Ғарипов хаҡында тулы метражлы нәфис фильмын төшөрөү өсөн тотонола», — ти ойоштороусылар.

Программала актерҙар Әхтәм Әбүшахманов, Таңсулпан Бабичева, Рушанна Бабич, Артур Ҡунаҡбаев, Илгиз Таһиров, Рәмзил Сәлмәнов, Руслан Хайсаров, Радмир Абдуллин, Фирғәт Ғарипов, Илнур Лоҡманов, Шәһит Хамматов, Вадим Ҡылысов, Салауат Юлдашбаев, Морат Рафиҡов, Лилиә Исҡужина, Гөлназ Мөхәмәҙиева, «Карауанһарай» фольклор-эстрада төркөмө, Азат Йыһаншин, Алһыу Бәхтиева, Әлим Ҡәйүмов, Фәрүәз Урманшин, Гөлсөм Бикбулатова, Урал Ниғмәтуллин, Светлана Хәкимова, Айгиз Ханов ҡатнаша.

Сценарист – Гөлсәсәк Саламатова, режиссер – Таңсулпан Бабичева.

Читайте нас:

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 910

Ҡабул итеү бүлмәһе

Венер Айҙар улы Исхаҡов (яуаплы сәркәтип) - 89279443170

Хеҙмәттәшлек

Финзира Ғариф ҡыҙы Рысаева - 89174785622