Семен Елистратов шорт-трек буйынса Европа чемпионатының ир-егеттәр эстафетаһында «алтын» яуланы
.
Өфөнән Семен Елистратов шорт-трек буйынса Европа чемпионатында тағы бер миҙал яуланы. Ир-егеттәр эстафетаһында Рәсәй командаһы – Даниил Ейбог, Денис Айрапетян, Павел Ситников, Александр Шульгинов һәм Семен Елистратов алтын миҙалдар алды.
Бынан алда Венгрияның Дебрецен ҡалаһында Елистратов 500 һәм 1000 метр арауыҡта, күпбәйгелә бронза призер булды.