Миловкала мәктәп һәм балалар баҡсаһы төҙөлә

Владимир Путиндың май указдарына ярашлы тормошҡа ашырылған “Демография” милли проекты сиктәрендә Башҡортостандың Өфө районындағы “Миловка паркы” микрорайоны территорияһында мәктәп балалар баҡсаһы төҙөлөшө дауам итә.

Миловка Башҡортостандың иң ҙур мәктәпле ауылы буласаҡ. Беренсе тапҡыр бындай объект Стәрлетамаҡ ҡалаһында төҙөлгәйне. Мәктәптең дөйөм майҙаны – 18 мең квадрат метр. Дүрт ҡатлы бинала 495 урынлыҡ тамаша залы һәм 420 урынлыҡ ашхана буласаҡ. Спорт залдарында инвентарь, кейенеү-сисенеү, душ, тренер, саңғы һаҡлау бүлмәләре лә ҡаралған. Медицина блогы бер нисә кабинеттан торасаҡ.

180 урынлыҡ балалар баҡсаһында төҙөлөш эштәре 2020 йыл аҙағына тамамлана, ә мәктәп 2021 йылғы уҡыу йылына әҙер буласаҡ.

#национальныепроекты; #нацпроекты; #региональныепроекты; #регпроекты; #нацпроектыБашкортостан.