Бәйгегә эштәр ҡабул итеү тамамланды!

“Шоңҡар” Башҡортостан йәштәре журналы ике ай элек иғлан иткән балалар һәм үҫмерҙәр өсөн шәжәрәне һәм нәҫел тамырҙарын өйрәнеүҙең мөһимлеген аңлатҡан йөкмәткеле инсценировкалар һәм пьесалар бәйгеһенә эштәр ҡабул итеү тамамланды. Хөрмәтле баһалама ағзаларының эше ҡыҙыу ғына булмаҡсы, ни тиһәң дә редакция почтаһына килгән утыҙға яҡын ҡулъяҙма төрлөлөгө менән айырыла, ҡыҙыҡлы һәм уҡымлы ғына күренә.