-4 °С
Болотло
Бөтә яңылыҡтар
Новости
5 Февраль 2020, 11:22
Ауылдарға таҙа һыу килә
2020 йылда Башҡортостандың ҡайһы ҡала-районында һыу үткәргестәр төҙөлә.#нацпроекты
Башҡортостанда быйыл түбәндәге тораҡ пункттарҙа үҙәкләштерелгән һыу үткәргес төҙөү планлаштырыла:
Өфө, Дим районы, Кустарев ҡасабаһы, Романовка урамы;
Благовещен,Төньяҡ биҫтәһе;
Туймазы районы: Иҫке Туймазы, Ғәфүр;
Өфө районы: Ҡомлокүл, Яҡшиван, Горнов, Ҡыҙыл Яр, Карюгин, Тәжрибә хужалығы.
Асҡын районы үҙәгендә һәм Бәләбәй районының Аксаков ҡасабаһында һыу каналы селтәрҙәрен төҙөкләндерәләр.
Быйыл Борай һәм Мораҡ район үҙәктәре, Асҡын районының Иҫке Ҡаҙансы ауылдары өсөн һыу менән тәьмин итеү системаларын проектлау ҡаралған.
Проекттарҙы 335 миллион һумға адреслы инвестиция программаһы сиктәрендә республика бюджеты финанслай. Ошо хаҡта хөкүмәттәге оператив кәңәшмәлә Башҡортостан вице-премьеры һәм торлаҡ-коммуналь хужалыҡ министры Борис Беляев хәбәр итте.
Ағымдағы йылда һыу менән тәьмин итеү объекттарын төҙөү һәм реконструкциялау өсөн 1 миллиард һумдан ашыу тотонола — адреслы инвестиция программаһы аҡсаһынан тыш, был суммаға «Таҙа һыу» төбәк проекты (329 миллион һум) һәм коммуналь ойошмалар (361 миллион һум) аҡсаһы инә.
Бынан тыш, райондарҙа һыу үткәргестәр ауыл биләмәләрен үҫтереү буйынса федераль программаһы аҡсаһына һалына. 2020-2022 йылдарҙа 50 ауылды һыу менән тәьмин итеү күҙаллана.
2020 йылдың башына республика халҡының 12,4% — ярты миллиондан ашыу кеше сифатлы эсәр һыу менән тәьмин ителмәй ҡала. Уларҙың күпселеге Бөрө һәм Стәрлетамаҡ ҡалаларының шәхси секторҙарында, Өфө, Шишмә, Иглин, Кушнаренко, шулай уҡ Әлшәй, Туймазы, Благовар райондарында йәшәй.
Читайте нас:
© 2024 «Шоңҡар» - Башҡортостан йәштәренәң ижтимағи-сәйәси, әҙәби-нәфис журналы
Баш мөхәррир: Айгиз Ғиззәт улы Баймөхәмәтов
Телефон
(347)272-61-64
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 910
Ҡабул итеү бүлмәһе
Венер Айҙар улы Исхаҡов (яуаплы сәркәтип) - 89279443170
Хеҙмәттәшлек
Финзира Ғариф ҡыҙы Рысаева - 89174785622