Апрелдә рәсәйлеләрҙе өҫтәмә ял көнө көтә

#ВладимирПутин

Рәсәй Конституцияһына төҙәтмәләр буйынса тауыш биреүҙе эш көнөндә үткәреү һәм уны ял тип иғлан итеү күҙаллана.

РБК хәбәр итеүенсә, төп дата итеп шаршамбы, 22 апрель, ҡарала.

150 йыл элек 22 апрелдә Владимир Ульянов (Ленин) тыуған. Бынан тыш, был көндә Халыҡ-ара Ер-әсә көнө билдәләнә.

Тауыш биреүҙе эш көнөндә үткәреү идеяһын президент хакимиәте тәҡдим иткән. Был һайлаусыларҙың күберәк килеренә иҫәп тотоп эшләнә.

Бынан алда төп дата итеп йәкшәмбе, 12 апрель, ҡаралды, икенсе вариант – йәкшәмбе, 26 апрель.

Конституцияға төҙәтмәләр буйынса тауыш бирер алдынан илдә телевидениела һәм интернетта күләмле мәғлүмәт кампанияһы йәйелдерелә.

ВЦИОМ үткәргән һорау алыу күрһәтеүенсә, рәсәйлеҙәрҙең 79% Владимир Путиндың Конституцияға төҙәтмәләрен мөһим тип иҫәпләй.

Айырыуса социаль характерҙағы башланғыстар хуплау тапты: Төп законда пенсияларҙы, пособиеларҙы һәм башҡа социаль түләүҙәрҙе мотлаҡ даими индексациялауҙы нығытырға (һорауға яуап биреүселәрҙең 91% ыңғай баһаланы) һәм МРОТ-ты йәшәү минимумынан кәм булмаған кимәлдә теркәргә (90%).

#ВладимирПутин

Читайте нас:

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 910

Ҡабул итеү бүлмәһе

Венер Айҙар улы Исхаҡов (яуаплы сәркәтип) - 89279443170

Хеҙмәттәшлек

Финзира Ғариф ҡыҙы Рысаева - 89174785622