Шоңҡар
-29 °С
Болотло
75 лет Победы
Бөтә яңылыҡтар
Новости
18 Февраль 2020, 11:38

М.Ғафури исемендәге Башҡорт театрында ике көндән премьера

20, 21 февралдә М.Ғафури исемендәге Башҡорт дәүләт академия драма театрында премьера!

20, 21 февралдә М.Ғафури исемендәге Башҡорт дәүләт академия драма театрында "Рөстәмдең сере"(Ғ.Ҡотой, С.Баженова инсц.) исемле яңы спектакль сәхнәгә сыға. Спектакль Бөйөк Еңеүҙең 75 йыллығына арнала.
Әҫәрҙә ваҡиғалар 1941-се йылда бара. Рөстәм исемле үҫмер малай, һуғышҡа барып, совет һалдаттарына ярҙам итергә, дошмандарҙы юҡ итегә хыяллана, әммә билдәле: балаларҙы фронтҡа алмайҙар. Тап шул ваҡытта өләсәһе уға тылсымлы абаға сәскәһе тураһында һөйләй: йәнәһе лә, уның сәскәһен ашаған кеше, күҙгә күренмәҫ йәнгә әйләнеп, сихри көскә эйә була. Әммә абаға яҙ көнө, төн уртаһында ғына (ни бары бер-нисә секунд ҡына!) сәскә ата икән, уны өҙөп өлгөрөү мөмкин түгел тиерлек...
Өләсәһенең хикәйәте малайҙың күңеленә тынғылыҡ бирмәй: ҡурҡыуын еңеп, төн уртаһында дөм ҡараңғы урманға бара, абаға сәскәһен табып ашай һәм күҙгә күренмәй торған кешегә әйләнә. Ул теләгенә ирешә: ата-әсәһенә хат яҙып ҡалдыра ла фронтҡа китә...
Спектакль авторҙары:
Ҡуйыусы режиссеры - Радион Букаев, рәссам-яҡтыртыусы - Евгений Ганзбург, инсценировка авторы - драматург Светлана Баженова, ҡуйыусы рәссам - Альберт Нестеров, композитор - Ильшат Яхин.
Ролдәрҙә: Зилиә Ситдиҡова, Миңзәлә Хәйруллина, Илсур Байымов, Гүзәл Маликова, Ирек Булатов, Юнир Ҡоланбаев, Артур Ҡунаҡбаев, Урал Аминов
Читайте нас в