«Ни намыҫың етеп әсәйеңдән баш тартаһың?»

Йыр һөйөүселәрҙең бындай "ышаныуы" байтаҡ ваҡытҡа нығынды.

20 мартта Башҡорт дәүләт филармонияһында яратҡан йырсыбыҙ Роза Аккучукованың юбилей кисәһе үтәсәк. Моңло һандуғасыбыҙҙың ижад юлы бай. Ул йыр сәнғәтендә пәйҙә булыу менән төрлө имеш-мимештәр тарала. Быға шаһит булыусылар ошо ваҡиғаны йылмайып иҫкә ала. Журналист Фәрит Фәтҡуллин: "Армиянан ҡайтҡанда тыуған ерем мине яңы йырҙар менән ҡаршы алды, - тип хәтирәләргә бирелә. - Бер заман беҙҙең Ауырғазы районы үҙәге Толбазыға филармонияның ҙур концерт бригадаһы килеп төштө. Билдәле артистарҙан – Илфаҡ Смаков, Хисбулла Ғөбәйҙуллин бар. Ә быға тиклем таныш булмағандарҙан – Роза менән Венер. Концертты халыҡ иҫ киткес йылы ҡабул итте. Мин иртәгәһенә үк һәр артистың сығышын үҙемсә тасуирлап, "Ҡыҙыл таң"ға мәҡәлә яҙып ебәрҙем. Ә быға ҡәҙәр был ике йәш йырсының тауышын радио аша ишеткәнем бар ине. Ул саҡта бөтә республикала, шул иҫәптән беҙҙең төбәктә лә "Роза Аккучукова – Фәриҙә Ҡудашеваның ҡыҙы ул" тигән сенсациялы хәбәр таралған ине. Йыр һөйөүселәрҙең бындай "ышаныуы" байтаҡ ваҡытҡа нығынды. Тәүге мәлдәрҙә райондарға сыҡҡанда уның үҙенә лә: "Училищела уҡыу һиңә ауыр булмағандыр, әсәйеңдең абруйы ярҙам иткәндер», – тип төрттөрөүселәр ҙә, "Ни намыҫың етеп һин әсәйеңдән баш тартаһың?", - тип ғәйепләүселәр ҙә күп булған. Былар хаҡында әле көлөп иҫкә алһа ла, элегерәк халыҡтың Роза Аккучуковаға "икенсе әсәй" табып биреүе күңелһеҙлектәр ҙә тыуҙырған".

Фото: «Бәйләнештә».

Читайте нас:

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 910

Ҡабул итеү бүлмәһе

Венер Айҙар улы Исхаҡов (яуаплы сәркәтип) - 89279443170

Хеҙмәттәшлек

Финзира Ғариф ҡыҙы Рысаева - 89174785622