Ҡарабойҙай яман шештән һаҡлай

Табиптар ҡарабойҙайҙың яман шеш ҡурҡынысын кәметеүен раҫлаған. Даими ҡарабойҙай ашау артыҡ ауырлыҡты кәметергә, шул уҡ ваҡытта онкология ауырыуҙарынан һаҡланырға булыша. Ярмалағы күҙәнәклектәр организмды таҙарта, эсәклектәге юғары калориялы, сифатһыҙ ризыҡтан һуң тарҡалған матдәләрҙе сығара. Был организм өсөн үтә мөһим, сөнки ҡалдыҡтар йыуан эсәк рагына килтереүе мөмкин. Яман шештең был төрө донъяла киң таралған.