Тиҙҙән Рәсәйҙә 45 йәштән өлкәнерәктәргә буласаҡ пенсия күләме тураһында телефон аша СМС-хәбәрҙәр килеп торасаҡ. Рәсәй Хеҙмәт һәм социаль яҡлау министрлығы ошо хаҡта тейешле закон проектын әҙерләй. Бындай хәбәрҙәр өс йылға бер тапҡыр ебәрелергә тейеш. Белгестәр фекеренсә, шул рәүешле кешеләр пенсияһының сама менән күпме буласағын алдан уҡ белеп, уны арттырыу буйынса ниндәйҙер аҙымдар яһай аласаҡ. СМС-та шулай уҡ пенсияны иҫәпләүҙә ҡулланылған күрһәткестәр һәм тупланма пенсия тураһында мәғлүмәттәр ҙә сағылыш табасаҡ.