Дарыуханаларҙа маскалар буласаҡ

“Башфармация” дарыуханалар селтәренә медицина битлектәренең яңы партияһы киләсәк. Әле 418 мең һаҡланыу сараһын дарыуханаларға бүлеп биреү мәсьәләһе ҡарала. Был хаҡта оператив кәңәшмәлә Башҡортостандың һаулыҡ һаҡлау министры Максим Забелин хәбәр итте.Маскалар бөтә республика буйынса дарыуханалар селтәренә шулай уҡ предприятиеларға тараласаҡ. Уларҙың киләһе партияһы 30 мартта килтереләсәк. Күләме 700 мең буласаҡ.