Июндә лә уҡырбыҙмы икән?

Рәсәйҙең ҡайһы бер мәктәптәрендә уҡыу йылы 8 июнгә тиклем дауам итеүе мөмкин. Мәғариф министры Сергей Кравцов ошо хаҡта белдерҙе. “Бөгөнгөхәлгә ҡарап, уҡыу йылы 8 июнгә - Берҙәм дәүләт имтихандары башланған көнгә тиклем ойошторолоуы мөмкин”, - тине ул.

Кравцов әйтеүенсә, шулай уҡ БДИ тапшырыу ваҡытын тағы күсереүҙәре бар. Был дистанцион белем биреүҙең һәм илдә коронавирустың дөйөм торошона бәйле буласаҡ. Элек имтихандар 25 майҙан 29 июнгә тиклем дауам итһә, быйыл тәүгеһе 8 июнгә тәғәйенләнгән.