Франциянан күркәләр килә

Мәлеүез районындағы банкротлыҡҡа төшкән Мәжит Ғафури исемендәге предприятиены тергеҙеү эштәре етди бара. “ПК Урал” йәмғиәтенә тәүге кварталда Франциянан 253,8 мең дана күркә йомортҡаһы килтерелгән. Башҡортостан буйынса “Рооссельхознадзор” идаралығының матбуғат хеҙмәте хәбәр итеүенсә, йомортҡалар дезинфекцияланған, продукцияға Таможня союзынан “Меркурий” системаһында электрон сертификат тултырылған.

Был саралар Рәсәй Милли проектының “Хеҙмәт эшмәкәрлеге һәм мәшғүллеккә ярҙам” программаһына ярашлы алып барыла.

#Национальные проекты

#Милли проекттар