Ит ғүмерҙе ҡыҫҡартамы?

Халыҡ-ара итһеҙ көн 1985 йылдан уҙғарыла, уға донъяның күп илдәре ҡушылды. Рәсәйҙә ул 2012 йылдан билдәләп үтелә.Оҙаҡ йәшәргә теләп, иттән баш тартҡандар арта арабыҙҙа. Һуңғы тикшеренеүҙәр вегетариандарҙың да, ит ашаусыларҙың да ғүмер оҙонлоғо бер сама булыуын күрһәткән. Оксфорд университеты ғалимдары вегетариандарҙың, ысынлап та, инфаркттан һаҡланыуын асыҡлаған. Әммә уларға инсульт ит ашағандарҙан 20 процентҡа йышыраҡ янай. Белгестәр итте тәүлегенә 90 грамға тиклем кәметергә кәңәш итә, тик унан баш тартырға ашыҡмағыҙ.