Береһе сит илдән ҡайтҡан

Билдәле булыуынса, Г. Ҡыуатов исемендәге Республика клиник дауаханаһынан ете кеше медицина тикшереүе үтмәйенсә сығып ҡасҡайны. Уларҙы күп мәғлүмәт саралары табиптар тип яҙҙы. Милли медицина палатаһы президенты Леонид Рошаль ҡасҡалаҡтарҙың кем булыуын белдерҙе.

- Ысынбарлыҡта был ете кешенең бишеһе генә - дауахана хеҙмәткәре. Икеһе – БДМУ ординаторы, уның береһе сит илдән ҡайтҡан. Ҡалғандары – ике йыйыштырыусы, береһе- теркәүсе. Уларҙы бер нисек тә табип та тип булмай. Тағы ике рентгенлог та ҡайтып киткән. Уларҙың төштән һуң ғына иғлан ителгән үҙ изоляция хаҡында ишетмәүе лә мөмкин, - ти был хаҡта ул.