Беҙ әҙер булырға тейеш!

Яҙ етеү менән янғын хәүефе лә башланды. Рәсәйҙең Алыҫ Көнсығыш, Себер төбәктәрендә урмандар, ауылдар яна. Рәсәйҙең Ғәҙәттән тыш хәлдәр министры Евгений Зиничев президент кәңәшмәһендә белдереүенсә, 27 апрелгә Красноярск крайында үртәлгән майҙандар былтырғы ошо ваҡыттан 10 тапҡырға артҡан. Янындың төп сәбәбе – баҫыуҙарҙың ташландыҡ ятыуы, халыҡтың яуапһыҙлығы. Ошо уңайҙан президент Владимир Путин төбәктәрҙең яҙ, йәй миҙгелендә тәбиғи ҡазаларҙы иҫкәртеүгә әҙер булырға кәрәклеген белдерҙе. “Янғын, һыу баҫыу ҡурҡынсы арта. Һәр субъектта быға 100 процент әҙерлекте тәьмин итергә кәрәк”, - тине.

#Владимир Путин