Башҡортостанда ла Хәтер баҡсалары буласаҡ.

Бөйөк Еңеүҙең 75 йыллығына арнап иғлан ителгән “Хәтер баҡсаһы” халыҡ-ара акцияһына республика урмансылары ла ҡушылды. Тәүгеләрҙән булып Стәрлетамаҡ урмансылығы Белогорск участка урмансылығында 2 гектар майҙанда һигеҙ мең ҡарағай һәм дадар ағасы ултыртты. Был изге эштә ирекмәндәр ҙә ҡатнаша.Һуғышта һәләк булған яугирҙәр иҫтәлегенә ойоштролған “Хәтер баҡсаһы” акцияһы 22 июнгә тиклем барасаҡ. Сара сиктәрендә Еңеү яҙын алып килгән ватандаштарыбыҙ хөрмәтенә барлығы 27 миллион ағас ултыртыу планлаштырыла.