Изгелек яуапһыҙ ҡалмаҫ...

Өфөнөң Нижегородка биҫтәһендә сыҡҡан янғында ике кеше һәләк була яҙған. Янғын сыҡҡан йортта 8 йәшлек бала менән уның өләсәһе генә ҡалған була. Ҡотҡарыусылар килгәнсе үк 25 йәшлек егет тәҙрәне ватып инеп, ҡыҙҙы йорттан алып сыға. Ул арала тағы ла бер-нисә ир килеп етә һәм оло ҡатынды ла ҡотҡаралар.Әле янғын сәбәптәрен асыҡлау буйынса тикшереү эштәре бара. Ә янғын хеҙмәткәрҙәре үҙ ғүмерен ҡурҡыныс аҫтына ҡуйып, кешеләрҙе ҡотҡарған йәш егетте Хөкүмәт наградаһына тәҡдим итмәксе.