22 апрелдә Ғафури районында ғәйеп булған туғыҙ йәшлек Рөстәм Ишҡулов, уны эҙләүҙәре хаҡында яҙғайныҡ инде. 8 майҙа малайҙың кәүҙәһен тапҡандар. Уны эҙләү өсөн ауыл янындағы ике йылға үҙәнен быуғандар. “120 кеше йылғалағы һәр ағас тамырын, соҡор-саҡырҙарҙы тикшерҙе. Билдәләнгән 2 сәғәт ваҡыт үтеүгә һанаулы минуттар ғына ҡалғанда рациянан “Таптыҡ...” тигән һүҙҙәр ишетелде... Һуңғы өмөт өҙөлдө, мөғжизә булманы”, - тип яҙа “Лиза Алерт” отряды ирекмәндәре. Тикшереүселәр һәм криминалистар был фажиғәнең сәбәптәрен тикшерә.