Талпан тешләгән һыйырҙың һөтө лә зарарлы

Был көндәрҙә урмандарҙа талапандар әүҙемләшә. Белгестәр әйтеүенсә, талпан тешләгән һыйырҙың һөтө лә зарарлы, ул төрлө ауырыуҙар килтереп сығарыуы мөмкин. Мәҫәлән, себер язваһы, тилсә, түләмә, бруцеллез…

Бының өсөн талпандарҙың әүҙем мәлендә һыйырҙы һаҙлыҡ урындарҙа, бысраҡ урындарҙа тоторға тырышмағыҙ. Тәндәренә махсус һатылған спрейҙар һиптерергә кәрәк. Хатта талпан тешләгән һыйырҙың быҙау һалыуы ла ихтимал. Шуға ла айырыуса был осорҙа һыйырҙың һөтөн ҡайнатып эсергә кәңәш ителә.