Пенсияға алдараҡ сығырбыҙмы икән?

Был хаҡта “Известия” гәзите белдерә. Ул коронавирус шарттарында көрсөккә ҡаршы көрәш сараһы булараҡ ҡарала. Рәсәй Иҡтисади үҫеш министрлығы, Финанс, Хеҙмәт һәм социаль үҫеш министрлыҡтары менән бергә халыҡты эш менән мәшғүл итеү, керемде һәм иҡтисади үҫеште күтәреү буйынса махсус план ҡабул иткән. Проектта 2020 йылдың аҙағына пенсияға сығырға ике йыл түгел, ә өс йыл ҡалған граждандарҙың: ҡатын-ҡыҙҙарҙың 53,5 йәштә, ир-аттарҙың 58,5 йәштә ваҡытынан алда пенсияға сығыуға дәғүә итә алыуҙары тәҡдим ителә. Дөйөм эш стажы иҫәпкә алынмай.