Кем битлекһеҙ? Яза бирегеҙ!

Республика Башлығы Радий Хәбиров оператив кәңәшмәлә коронавирус буйынса үҙ аллы изоляция шарттары йомшартылмауын һәм иҡтисадтың ҡалған өлкәләрен (4-5 сегмент) әле генә асылмаясағын белдерҙе. “Вахтасыларҙың тәртипһеҙ ҡайтып йөрөүҙәре арҡаһында 65 йәштән өлкәндәрҙең ауырығандарҙың артыуын теркәй башланыҡ”, - тине Радий Хәбиров хөкүмәттә үткән кәңәшмәлә. Радий Фәрит улы әйтеүенсә, Башҡортостан халҡы үҙҙәренең һаулығына вайымһыҙ ҡарай, Өфө паркы һәм скверҙарында ҡала халҡының 10 проценты ғына битлектә йөрөй. Төбәк Башлығы был йүнәлештә муниципалитет етәкселәренә талапты көсәйтеүҙе һораны.