Юғалған малай йылға буйында табылған

Салауат районының Урмантау ауылында алты йәшлек Ренель Ғәниевтың өйөнән сығып китеүе хаҡында хәбәр иткәйнек инде. Малайҙың юғалыуына ике көн үтте, инде уның иҫән табылырына өмөт тә самалы ине. Башҡортостан буйынса Эске эштәр министрлығының матбуғат хеҙмәте Ренелдең табылыуын хәбәр итә. Малай, бәхеткә күрә, иҫән-һау, ул Иҙелбай ауылында йылға буйында йөрөгән.