Вәсилә Фәттәхованың ғаиләһендә яңы ағза барлыҡҡа килгән

Арабыҙҙан иртә киткән йырсыбыҙ Вәсилә Фәттәхованы халҡыбыҙ онотмай. Уның моңло йырҙарын тыңлап алабыҙ, ғаиләһе, балаларының яҙмышына ла битараф түгелбеҙ. Ошо көндәрҙә йырсының ире Илгиз Ғәбдрәҡипов Татарстандың Әгержә районынан улы Кәримгә йыуаныс булһын тип, көсөк алып ҡайтҡан. Баҡтиһәң, малайҙың өс йыл тоғро дуҫы булған эте үлеп ҡалған. Беҙ Ғәбдрәҡиповтарҙың тормошо киләсәктә бәхет-ҡыуаныстарҙан ғына тороуын теләйбеҙ.