Тауыш биреү компанияһы хәүефһеҙ буласаҡ

Был турала Радий Фәрит улы Хәбиров “Мир 24” телеканалына биргән интервьюһында белдерҙе.- Республикала Рәсәй Конституцияһына төҙәтмәләр буйынса тауыш биреүгә әҙерлек һәйбәт кимәлдә бара. Һайлау участкаларында санитар-эпидемиологик талаптарға ҙур иғтибар бирелә. Һәр урында һаҡланыу саралары: бирсәткә, битлек, дезинфеция етерлек, - тип белдерҙе Радий Хәбиров.Тауыш биреү ете көн- 25 июндән 1 июлгә тиклем дауам итәсәк. Бындай ҡарар тауыш биреү барышында халыҡ ағымын көйләү өсөн ҡабул ителде. Участкаға сәғәтенә 12 кешенән артыҡ үткәрмәҫкә кәңәш ителә. Шул уҡ ваҡытта алдан заявка ҡалдырып өйҙә тауыш бирергә лә мөмкин. Ихатала һайлаусылар өсөн бюллетень ҡумталарын йорттар янына ла ҡуясаҡтар.