Ишембайҙа боҙ аренаһы төҙөлөшө тамамлана

Ишембайҙа боҙ аренаһы төҙөлөшө тамамлана. Бинаның дөйөм майҙаны дүрт мең квадрат метр тәшкил итә. Биш йөҙ урынлыҡ объектты август айында файҙаланыуға тапшырырға ниәтләйҙәр. Уның контракт буйынса хаҡы 207 миллион һум тәшкил итә. Бөгөн уның эске яғы әҙер тиерлек, тауыш кәметеүсе материал ҡуйыла. Боҙ менән ҡаплау өсөн урын әҙерләнгән. Һыуытыу симстемаһы монтажланған. Шулай уҡ уның тирә-яғы төҙөкләндерелгән. Юлдарға, парковка урындарына асфальт йәйелгән. Электр үткәрелгән. Тиҙҙән ҡорамалдарҙы ла урынлаштырасаҡтар. Аренаның монтажын Өфө-Аренаны төҙөгән ойошма эшләгән.Азамат Абдрахманов, Ишимбай районы хакимиәте башлығы: "Ишембаҙар өсөн объекттың асыуылыуы социаль әһәмиәткә эйә. Бында күп балаларҙы спортҡа ылыҡтырыу өсөн шарттар тыуҙырылған. Шулай уҡ яңы эш урындары ла буласаҡ. Яңы тренерҙар саҡрысаҡбыҙ. Боҙ һарайында яңы секциялар - хоккей, фигуралы шыуыу ҙа буласаҡ. Беҙҙең малайҙар һәм ҡыҙҙар хәҙер күрше Салауат, Стәрлетамаҡ ҡалаларына барып тормайынса, үҙебеҙҙә спрот менән шөғөлләнә аласаҡ. Тиҙҙән үҙебеҙҙең балалар һәм йәштәр хоккей командаларын да булдырасаҡбыҙ.