Имбирь менән тоҙланған ҡыяр

Уңған хужабикәләрҙең баҡсаларында ҡыяр уңыш бирә башланы ла инде. Әлегә ул ныҡ танһыҡ- үҙен шул килеш йәки салат яһап ашала. Ә бер аҙҙан тиҙ арала өлгөрөрлөк итеп тоҙлау башланасаҡ. Шуға ла үҙенсәлекле рецепт тәҡдим итәбеҙ.2 кг тирәһе артыҡ ҙур булмаған ҡыярҙарҙы йыуып, киптерергә. Ҡалын полиэтилен мешокка уларҙы тултырғас 1,5 ҡалаҡ тоҙ, 1 балғалаҡ кипкән имбирь онтағы, ваҡлап туралған йәшел укроп һалып ауыҙын ябырға. Мешокты һелкетеп кенә барыһын да бутағас, һыуытҡысҡа ҡуйырға. 2 сәғәттән ҡыярҙың һуты сыға башлай, ваҡыты-ваҡыты менән һелкетеп торорға кәрәк. 6 сәғәттән ҡыяр әҙер була.