Ут менән һаҡ булығыҙ!

Бөгөн Нуриман районының Ҡыҙыл Шишмә ауылында янғын теркәлгән. "Ҡыҙыл әтәс" ике фатирлы йортто һәи ихата ҡаралтыларын юҡҡа сығарған.Янғын һүндереү хеҙмәткәрҙәре әйтеүенсә, янғын сыҡҡан йорт хужабикәһе менән күршеләре тәүҙә ут менән үҙҙәре генә көрәшеп ҡарай. Аҙаҡ, хәлдең киҫкен булыуын аңлағас ҡына ҡотҡарыусыларға шылтырата. Тик ул саҡта ут барлыҡ йортто ялмап алған була. Бәхеткә күрә янғында һәләк булыусылар, һаулығына зыян килеүселәр булмай.Йәйге көндөң эҫе һәм ҡоро тороуын иҫәпкә алып, ут менән һаҡ булырға саҡырабыҙ!