Урмандарҙа айыу туйы

Июль урталарына тиклем айыуҙарҙың ҡауышыу мәле. Был мәлдә улар айырыуса әүҙем һәм уҫал. Шуға ла айыуҙар күпләп йөрөгән урмандарҙа һаҡ булыу йә унда бөтөнләй бармау талап ителә. Сахалинда айыу менән кешенең бер нисә осрашыу мәле теркәлгән. Һәм был осраҡтар аяныслы тамамланған.Башҡортостан Республикаһы Роспотребнадзоры ҡырағай хайуанды күрһәгеҙ, уға яҡын бармағыҙ, тауыш сығармағыҙ, фотоға төшөрөргә тырышмағыҙ, тип иҫкәртә. Унан ҡасырға ла ярамай. Киреһенсә, тыныслыҡ һаҡларға кәрәк. Айыуҙы күҙ уңынан ысҡындырмаҫҡа һәм яйлап ҡына автомобилгә йәки башҡа йәшеренеү урынына йүнәлергә.