Сәхнәлә - "Шайморатов генерал"

Арыҫлан Мөбәрәков исемендәге Сибай башҡорт дәүләт драма театрында ябыҡ форматта премьера үткәрҙе. Улар Флорид Бүләковтың "Шайморатов генерал" әҫәрен сәхнәләштерҙе. Драма-реквием данлыҡлы М.М.Шайморатов етәкләгән 112-се Башҡорт кавалерия дивизияһы хәтеренә бағышлана.Спектаклдең режиссеры Илнур Муллабаев, ҡуйыусы-рәссамы – Рәсәй һәм Ҡалмыҡ Республикаһының атҡаҙанған сәнғәт эшмәкәре Валерий Яшкулов, балетмейстер - Ярослав Францев, композиторы - Илсаф Вәдүтов. Төп ролде артист Вадим Ғилманов уйнай.