Ул һәр кем өсөн ҡурҡыныс тыуҙыра

Бөгөн Республика Башлығы оператив кәңәшмәлә коронавирус инфекцияһы һаман таралыуы хаҡында борсолоу белдерҙе. “Көн һайын бер нисә тиҫтә кешелә был сир асыҡлана. Шулай булғас, республикала режимды йомшартыу тураһында уйларға иртә әле. Халыҡтың битлектән баш тартыуы борсолоу тыуҙыра. Беҙгә был йәһәттән эште тағы ла нығыраҡ йәйелдерергә кәрәк. Ауырыу әле китмәне, тимәк, ул һәр кем өсөн ҡурҡыныс тыуҙыра. Халыҡҡа битлектәрҙә йөрөргә кәрәклеген аңлатырға кәрәк. Беренсе сентябргә лә күп ҡалманы. Ярты миллион уҡыусы, шулай уҡ мәғариф хеҙмәткәрҙәре уҡыу йорттарына йыйыласаҡ. Бына ошо ваҡытта ауырыуҙың тағы ҡотороп китеүенә юл ҡуймаҫҡа кәрәк”, - тине Радий Хәбиров.