Сейә һуты ҡан баҫымын төшөрә

Сейә уңды быйыл. Белгестәр емеше лә, уның һуты ла файҙалы булыуын белдерә. Мәҫәлән, һуты ҡан баҫымын төшөрә. Табиптар был емеште “йөрәк еләге” тип атай. Ул ҡандың ойоусанлығын кәметә, шуға атеросклероздан һаҡлай, йөрәк-ҡан тамырҙары системаһын нығыта, ҡан баҫымын төшөрә.Гипертония борсоғанда, иртәнге ашҡа 60 мл сейә һуты эсегеҙ. Ул ҡан тамырҙарын киңәйтә, һығылмалылығын арттыра. Сама менән ярты сәғәттән ҡан баҫымы төшә, уның йоғонтоһо һигеҙ сәғәткә етә.