Балаларымды ҡарармын тип уйлағайным

Берәү, мине һайлаһағыҙ шуны эшләрмен, быны хәл итермен, тип йөрөп-йөрөп тә депутатлыҡҡа үтә алмағас, бик ныҡ ҡайғыра. Дуҫы осратып хәл-әхүәлен һорашҡас:

–Ҡуй, һорама ла инде, насар, – ти.

–Нисек инде насар? Эшләгән эшең һәйбәт, һаулығыңа ла зарланырлыҡ түгел шикелле.

– Депутатлыҡҡа үтә алманым бит, – ти теге ханым иларға етешеп. – Депутат булып китһәм, балаларымды ҡарармын, коттедж һалдырырмын тип уйлағайным, килеп сыҡманы, үтә алманым, –тип хәсрәтен һөйләй.