Әбйәлилдә ҡымыҙ фермаһы

Күптән түгел Әбйәлил районында йәшәүсе Марат Сабитов шәхси ҡымыҙ фермаһын асты. Үҙе хаҡында ул аттар менән ауырыйым, ти. Мараттың ҡатыны Гүзәлиә әйтеүенсә, 2012 йылда өйләнешкән саҡтарында уның бер бейәһе була, һәм ҡатынының атай-әсәһе уларға йәнә бер йылҡы малы бүләк итә. Шулай итеп яйлап ат үрсетә башлайҙар. Бөгөн Сабитовтарҙың фермер хужалығында 39 баш ат бар, шуларҙың 19-ы һауым бейәләре. Улар бының менән генә сикләнергә уйламай, малдар һаны мотлаҡ артасаҡ, тиҙәр.#Национальныепроекты#Миллипроекттар