Республика дауыл ҡуба

Бөгөн Башҡортостанда һауа торошоноң ҡапыл үҙгәреүе көтөлә. Ғәҙәттән тыш хәлдәр министрлығы хәбәр итеүенсә, дауыл ҡубыуы, елдең секундына 20 метрға тиклем етеүе ихтимал. Шуға ла бындай осраҡта һәр кемгә һаҡ булыу кәрәк. Ел көсәйгәндә йорттан сыҡмау, балаларҙы урамда йөрөтмәү хәйерле. Әгәр ҙә урамда ҡалһағыҙ, электр бағаналары, ағас, реклама щиттары янында ла торорға тырышмағыҙ. Шулай уҡ бындай урындарға машиналарҙы ҡуйыу ҙа хәүефле.