Отличникты әсәһе үлтергән

Октябрьский ҡалаһында 11 йәшлек малай менән әсәһенең үҙ фатирында үлеп ятыуҙары хаҡында хәбәр иткәйнек. Бөгөн белгестәр малайҙы үҙ әсәһе бысаҡ менән сәнсеп үлтергән, тигән хәбәр белдерҙе. Әсә кеше һуңынан үҙен юҡ иткән. Уларҙың бер нисә көн ятыуы ихтимал, сөнки һаҫыҡ еҫ сыға башлаған.Ғәҙәттә, бындай фажиғә эскелек менән мауыҡҡан ғаиләләргә хас. Ә был ғаиләне тик ыңғай яҡтан телгә алалар. Малай отличник булған, ә ғаилә башлығы Себерҙә вахта ысулы менән эшләгән.Тәртип һаҡлау хеҙмәткәрҙәре фажиғәнең сәбәптәрен асыҡлауын дауам итә.