Бәхил бул, яратҡан артисыбыҙ!

Роза Шәйхетдин ҡыҙы Башҡорт дәүләт академия драма театрында (1959–1989 йй.) 80-дән ашыу образ ижад итә. Бик оҙаҡ йылдар сәхнәлдәге илһамлы уйыны менән театр һөйөүселәрҙе шатландыра.

Актрисаның иң билдәле ролдәре араһында – Джульетта (“Ромео һәм Джульетта”, Шекспир), Надежда Коломийцева (М.Горький, “Һуңғылар” (“Последние”), Нина Заречная (А.П.Чехов “Аҡсарлаҡ”(“Чайка”), Джен (В.Гюго, “Мария Тюдор”), Мирандолина (К.Гальдони, “Ҡунаҡхана хужабикәһе” (“Хозяйка гостиницы”), Ғилминур (Ә.Мирзаһитов, “Әсәләр көтәләр улдарын”), Хәҙисә (Н.Асанбаев, “Ҡыҙыл паша”), Бимаза (М.Кәрим, “Диктаторға ат бирегеҙ!”) һ.б. 1989 йылдан 1995 йылға тиклем Мостай Кәрим исемендәге БР Милли йәштәр театрында эшләй.

Мәрхүмәнең яҡындарының ауыр ҡайғыһын уртаҡлашабыҙ.