Помидорҙы йыйығыҙ

Һабаҡта ҡыҙарған помидор тәмлерәк, әммә өлгөрә башлауға йыйып торғанда, уңышты күпкә арттырып була.

Үҫемлек һабағындағы помидорҙарын өлгөртөп бөтөрмәйенсә, сәскә атыу, ҡалған емештәрен үҫтереү процессын тотҡарлай. Сортына тура килерлек ҙурлыҡҡа еткән, ағара, һарғая башлаған помидорҙарҙы йыйһағыҙ, ул яңынан сәскә атасаҡ.

Йыйған помидорҙы тиҙерәк ҡыҙартаһығыҙ килһә, янына бер нисә ҡыҙылын ҡуйығыҙ. Тиҙ ҡыҙармаһын тиһәгеҙ, көн һайын ҡыҙара башлағандарын йыйырға кәрәк.