Ике бала юғалған

Үҫмерҙәр үҙҙәре ярҙам һорап мөрәжәғәт иткән, трассанан алыҫ булмаған һаҙлыҡлы урында булыуҙары тураһында әйткән.

Республикала икенсе тәүлек ике үҫмерҙе эҙләйҙәр. 13 йәшлек Любовь Крашенинникова менән 12 йәшлек Данил Ғилемйәнов 10 сентябрҙә Иглин районы Ҡыҙыл шишмә ауылынан сығып киткән.

Кисен ҡотҡарыусыларға балаларҙың юғалыуы хаҡында мәғлүмәт килгән. Республиканың Ғәҙәттән тыш хәлдәр буйынса дәүләт комитеты вәкилдәр белдереүенсә, дуҫтар Өфөнән Иглингә электричка менән килгән, шунан улар урманға ингән дә ғәйеп булған.

«Үҫмерҙәр үҙҙәре ярҙам һорап мөрәжәғәт иткән, трассанан алыҫ булмаған һаҙлыҡлы урында булыуҙары тураһында әйткән. Ҡыҙғанысҡа ҡаршы, балаларҙың телефон зарядкаһы махсус хеҙмәттәргә шылтыратыу өсөн генә еткән», — тип белдерҙеләр ведомствола.

Әле үҫмерҙәр юғалған урында кинологтар, ҡотҡарыусылар, ирекмәндәр, полицейскийҙар һәм Ғәҙәттән тыш хәлдәр министрлығы хеҙмәткәрҙәре эшләй.

Любовь Крашенинникованың билдәләре: буйы 157 сантиметр, тығыҙ тәнле, ҡара сәсле, йәшел күҙле. Аҡ блузка, ҡара салбар, күк кроссовка кейгән.

Данил Ғилемйәновтың билдәләре: буйы 160 сантиметр, уртаса кәүҙәле, ҡыҫҡа аҡһыл һары сәсле, күҙҙәре йәшкелт-һоро.

Юғалған балаларҙы күргән йәки уларҙың ҡайҙа икәнлеген белгәндәрҙән полицияға йәки ирекмәндәргә шылтыратыуҙарын һорайҙар: 8-927-969-89-19, 02 (кеҫә телефонынан 102),

Читайте нас в

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 910

Ҡабул итеү бүлмәһе

Венер Айҙар улы Исхаҡов (яуаплы сәркәтип) - 89279443170

Хеҙмәттәшлек

Финзира Ғариф ҡыҙы Рысаева - 89174785622