Сөгөлдөр һыуыҡтан ҡурҡа, уны беренсе ҡырауҙарға тиклем йыйырға кәрәк. Сөгөлдөрҙө ҡоро, ҡояшлы көндә алығыҙ. Тейешенсә өлгөргәне тәмлерәк, баллыраҡ, файҙалыраҡ була. Һалҡынға эләккәне һаҡланмаясаҡ. Урта өлгөрөшлө сөгөлдөрҙө (беҙҙең яҡтарҙа күп үҫтерелә торған “бордо” сорто шундай) сентябрь аҙағында йыйырға кәрәк. Сөгөлдөрҙө бәрәңге менән һаҡларға була. Бәрәңге өҫтөнә сөгөлдөр һалһағыҙ, ул артыҡ дымды үҙенә һеңдерә, бәрәңегене сереүҙән һаҡлаясаҡ.