20 кеше бәшмәк ашап ағыуланған

Быйыл һигеҙ айҙа республикала 20 кеше бәшмәк менән ағыуланған. Башҡортостандың Роспотребнадзор идаралығы ошондай мәғлүмәттәрҙе баҫтырып сығарҙы.Ағыуланыу осраҡтарында кешеләр бәшмәкте урманда үҙ аллы йыйған һәм өй шарттарында бешергән.

Белгестәр билдәләүенсә, бәшмәк менән ағыуланыу башҡа ризыҡтар менән ағыуланыуға ҡарағанда ауырыраҡ үтә. Айырыуса был балалар һәм өлкән йәштәгеләр өсөн хәүефле. Шуға ла бәшмәк йыйғанда һаҡ булыуығыҙ һорала.