Шоңҡар
-25 °С
Болотло
75 лет Победы
Бөтә яңылыҡтар
Новости
22 Сентябрь 2020, 00:40

Кешеләр ауыр хәлгә тарыған

Улар өсөн ҡайнар аш, медицина күҙәтеүе ойошторолдо, йәмәғәт тәртибен һаҡлаусылар ҙа бар.

Бөгөн Башҡортостан етәксеһе Радий Хәбиров республика хөкүмәтендәге оператив кәңәшмәлә Ҡырғыҙстан граждандарын үҙ биләмәләренә урынлаштырған ҡала һәм район башлыҡтарына рәхмәт әйтте.

Хәтерегеҙгә төшөрәбеҙ, 1 700-ҙән ашыу ҡырғыҙ Ҡаҙағстан менән Ырымбур өлкәһе сиге ябылыуы сәбәпле Башҡортостандың Көйөргәҙе районында ҡалырға мәжбүр булды, тип «Башинформ». Хәлде республика башлығы контролгә алды. Сит ил граждандары республиканың көньяғындағы ете муниципалитетта ваҡытлыса тороу пункттарына урынлаштырылды. Улар өсөн ҡайнар аш, медицина күҙәтеүе ойошторолдо, йәмәғәт тәртибен һаҡлаусылар ҙа бар.

Республиканың Ғәҙәттән тыш хәлдәр буйынса дәүләт комитеты рәйесе Фәрит Ғүмәров әйтеүенсә, әлеге ваҡытта Ҡаҙағстан менән сикте асыу тураһында һөйләшеүҙәр алып барыла.

«Кешеләр ауыр хәлгә тарыған. Сик аша сыға алмаған өсөн улар ғәйепле түгел, – тине Радий Хәбиров. – Бәләгә осраған кешеләргә ярҙам итеп, дөрөҫ эшләнек. Республиканан һуңғы кеше өйөнә ҡайтып китмәйенсә, хәлде контролдә тоторбоҙ».

Бынан алда сикте асыу мәсьәләһе яҡынса 22 сентябргә хәл ителергә тейеш тип хәбәр ителгәйне.

Читайте нас в