Тырыша икән – хаҡ юлда

Ғибәҙәт – намаҙлыҡта ултырыу ғына түгел, ә тырышлыҡ, яҡындарың хаҡында хәстәрлек, даими хеҙмәт күрһәтеү ул.

Бер ваҡыт пәйғәмбәребеҙ Мөхәммәд, ғәләйһис-сәләм, сәхәбәләре менән һөйләшеп ултырғанда шул мәғлүм була: йәштәр араһында сабырлығы, эшлеклелеге, көслө ихтыярлығы менән айырылып торған егет кәсеп итергә сығып киткән.

Тотто ла ҡырға юлланды, - тип көрһөнгән өлкән әңгәмәселәрҙең береһе. – Их, үҙенең йәшлеген, көс-ҡеүәтен Аллаһ юлына сарыф итһә икән...

Улай тимәгеҙ, - тип ҡаршы төшкән Мөхәммәд, ғәләйһис-сәләм. – Әгәр ҙә ки егет туғандарына ризыҡ табыу өсөн кәсепкә сығып киткән икән, ул – Аллаһ юлында; ҡартлыҡ ҡорона ингән ата-әсәһе хаҡына аҡса табыу маҡсатын ҡуйған икән, ул – Аллаһ юлында; йәшәү сығанағы эҙләһә, ул – Аллаһ юлында. Ә инде үҙенә иғтибар йәлеп итеү, маҡталыу, башҡаларға күренеү маҡсатын ҡуйған булһа – шайтан юлында.

Ғибәҙәт – намаҙлыҡта ултырыу ғына түгел, ә тырышлыҡ, яҡындарың хаҡында хәстәрлек, даими хеҙмәт күрһәтеү ул.

Эй, Аллаһ илсеһе! Малдың иң яҡшыһы ниндәй була? – тип һорағандар унан.

Үҙ ҡулдарың менән эшләп тапҡаны, намыҫ менән сауҙа итеп алынғаны, - тигән ул.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта